父親節應該係可以嘆世界先啱㗎嘛，但係咪又要我安排節目俾佢哋，🐲端午節冇游到龍舟水，到今日🥸父親節先嚟游個龍爸水！
做咗人哋爸爸都十年有多，其實真係做得麻麻地😩，頭先游緊水個陣，見到人哋爸爸教緊個囡游水，個囡得3-4歲，但係下下都惡到爆咁教「我頭先教你你又顧住玩！」「邊有咁快學識呀你想一步登天呀！」其實睇住佢都幾好笑🤭，個囡咁細個又點會明，或者好多爸爸都試過，有時當咗小朋友係大人咁，但係回想自己以前都係咁，每次鬧完都會後悔自己發得太大脾氣，如果可以再嚟過就唔會咁做，不過又會諗就算俾多次機會我，可能我都係一樣咁做～😮💨
是但啦！最緊要老細話你過到試用期，即係你哋呀囝呀囡呀！今日仲收到佢哋父親節禮物，見到佢哋有用心機去預備，即係喺佢哋心目中仲有少少地位，過兩日再同大家分享啦～🥰
我自己希望可以成為佢哋心目中嘅好爸爸啦～今年太多負能量啦，以後要加多D父能量先得！祝各位今日父親節快樂～👍🏻
#父親節 #happyfatherday
Search